နောက်ခံစကားပြောခြင်းသည် ဗီဒီယိုတစ်ခု၏အောင်မြင်မှုအတွက် အရေးပါသောအစိတ်အပိုင်းတစ်ခုဖြစ်သည်။ အကောင်းဆုံးအရည်အသွေးရှိသောရလဒ်မျိုးရရှိရန်အတွက် အစီအစဥ်ချခြင်း၊ စီမံခန့်ခွဲခြင်း၊ ညွှန်ကြားခြင်းတို့ လုပ်ဆောင်ရပြီး အချိန်နှင့် ငွေကြေးလည်းစိုက်ထုတ်ရသည်။ သင်ရည်ရွယ်သော ပရိသတ်အကြောင်း နားလည်ထားရမည်ဖြစ်ရုံမက အသင့်တော်ဆုံး နောက်ခံစကားပြောသူကို ရှာဖွေ၍ အသံသွင်းခြင်းလုပ်ငန်းစဥ်တစ်လျှောက် လမ်းညွှန်ပြသပေးရမည်။
သင့်တော်ကောင်းမွန်သောအစီအစဥ်မချဘဲ နောက်ခံစကားပြောအလုပ်တစ်ခုကို စတင်ပါက ထိုအလုပ်နှင့် ထိုအလုပ်အတွက် ငှားရမ်းထားသော ပြင်ပဝန်ထမ်းများကြား နားလည်မှုလွဲခြင်းများဖြစ်ပွားနိုင်သည်။ ထို့ကြောင့် လုပ်ငန်းအကြောင်းရှင်းလင်းညွှန်ကြားချက်တစ်ခုရှိလျှင် နောက်ဆုံးရည်ရွယ်ထားသလိုဖြစ်လာစေရန် လိုအပ်သော အသံသွင်းမည့်ပုံစံကိုသာမက နောက်ခံစကားပြောအသံသွင်းခြင်း၏ ရည်ရွယ်ချက်ကိုပါ အသံသရုပ်ဆောင်က နားလည်သွားမည်။
သင်၏နောက်ခံစကားပြောစီမံကိန်းကို အောင်မြင်စေရန် လိုက်နာဆောင်ရွက်နိုင်သည့် အကြံပြုချက်တချို့ကို အောက်တွင်ဖော်ပြထားသည်။
၁။ နောက်ခံစကားပြောဇာတ်ညွှန်းကိုရေးသားပါ
သင်၏စီမံကိန်းအတွက် အစီအစဥ်ချပြီးသည့်အခါ နောက်ခံစကားပြောဇာတ်ညွှန်းကို ရေးသားပြင်ဆင်ရမည်။ ကောင်းမွန်ပြည့်စုံစွာရေးသားထားသော ဇာတ်ညွှန်းတစ်ခုကြောင့် နောက်ခံစကားပြောစီမံကိန်းအောင်မြင်နိုင်သည်။ သို့သော်ငြား ညံ့ဖျင်းစွာရေးသားထားသော ဇာတ်ညွှန်းကြောင့် နောက်ခံစကားပြောစီမံကိန်းတစ်ခုလုံးသည် ထင်သလိုဖြစ်မလာဘဲ အချိန်ကုန်ငွေကုန်သာဖြစ်မည်။
ထိုကြောင့် ဤပြဿနာများကိုရှောင်ကြဥ်နိုင်ရန် ထိရောက်သောဇာတ်ညွှန်းရေးသားခြင်းအတွက် အောက်ပါညွှန်ကြားချက်များကိုလိုက်နာဆောင်ရွက်ပါ။
ဇာတ်ညွှန်းကို ပိုမိုသဘာဝကျ၍ နှုတ်ပြောစကားဖြင့် ရေးသားပါ။
ဝါကျတိုများနှင့် ထင်ရှားပေါ်လွင်သော အတိုအရှည်ဝါကျများကိုသုံးပါ။
ဇာတ်ညွှန်းဆိုလိုရင်းကို ရှင်းလင်းစေရန် “ထို့ကြောင့်၊ သို့သော်၊ ထိုအချိန်တွင်နှင့် သို့သော်” တို့ကဲ့သို့သော စကားဆက်စကားလုံးများကိုအသုံးပြုပါ။
ပထမ၊ ဒုတိယ သို့မဟုတ် တတိယပုဂ္ဂိုလ်နာမ်စားအသုံးထဲမှ အသုံးပြုမည့်နာမ်စားကို ဆုံးဖြတ်ပါ။
သင့်တော်သည့်နေရာများတွင် အဖြတ်အတောက်များအသုံးပြုပါ။ ထိုကဲ့သို့ဖြင့် နားဆင်သူများသည် အသံသွင်းထားသည့်အကြောင်းအရာကို တိကျမှန်ကန်စွာနားလည်မည်။
ဖြစ်နိုင်လျှင် အတိုကောက်စကားလုံးများအစား စကားလုံးအပြည့်အစုံကိုသာ ရေးသားပါ။
သင်၏ဇာတ်ညွှန်းထဲတွင် အမှားများ၊ စာလုံးပေါင်းသတ်ပုံအမှားများ ပါမပါစစ်ဆေးရန်အတွက်သာမက အချိန်ကိုက်ဖြစ်မဖြစ်နှင့် အရှိန်တို့ကို စစ်ဆေးရန် အသက်ထွက်၍ ရွတ်ဆိုပါ။
အသံသရုပ်ဆောင်ကို ဇာတ်ညွှန်းမပေးမီ နောက်ဆုံးအနေဖြင့်တည်းဖြတ်ပါ။
၂။ သင့်တော်သော နောက်ခံစကားပြောသူကို ငှားရမ်းခြင်း
ဇာတ်ညွှန်းရေးသားပြီးသည့်နောက် လုပ်ရမည့် အရေးကြီးသောအရာသည် သင်၏လုပ်ငန်းကို ပိုမိုအောင်မြင်လာစေရန် ကူညီပေးမည့် သင့်တော်သော နောက်ခံစကားပြောသူတစ်ဦးကို ရှာဖွေရမည်။ ထိုသို့ရွေးချယ်ရာတွင် အသံသွင်းအကြောင်းအရာအမျိုးအစား၊ ရည်ရွယ်သောပရိသတ်၊သုံးစွဲမည့်ငွေကြေးပမာဏ၊ အလုပ်ပြီးမြောက်ရမည့်အချိန်နှင့် သင်၏အလုပ်နှင့်ပတ်သက်သော အချက်အလက်များကဲ့သို့သော အကြောင်းရင်းခံတချို့ကို ထည့်တွက်စဥ်းစားရမည်။ အသံသရုပ်ဆောင်တစ်ဦးချင်းနှင့် လက်တွဲလုပ်မလား၊ အသံသွင်းကုမ္ပဏီတစ်ခုနှင့် လက်တွဲလုပ်မလား ဆုံးဖြတ်ရန်လည်း လိုအပ်ပါသည်။
အသံသရုပ်ဆောင်၏ အောက်ပါအရည်အချင်းများကို ကြည့်ရမည်။ –
တစ်မူထူးခြား၍ ဆွဲဆောင်မှုရှိသော အသံ
ခံစားချက်များကို အသံဖြင့်ပေါ်လွင်အောင် ဖော်ပြနိုင်စွမ်း
ရှင်းလင်းပြတ်သား၍ ယုံကြည်ချက်ရှိသော အသံထွက်
အသံသွင်းမည့် ဘာသာစကားကို ကျွမ်းကျင်မှု
ကောင်းမွန်ပြည့်စုံသော စကားပြောဆိုဟန်
အသံသွင်းနယ်ပယ်သုံး အထောက်အကူပြုပစ္စည်းကိရိယာမျိုးစုံအကြောင်း ဗဟုသုတ
ဇာတ်ကောင်၏လှုပ်ရှားမှုပေါ်လိုက်၍ မိမိ၏အသံကို အနိမ့်အမြင့်ပြောင်းလဲနိုင်စွမ်း
စာဖတ်ရာတွင် ပြေပြစ်ညက်ညောခြင်း
၃။ အသံသွင်းစတူဒီယိုကိုတပ်ဆင်ပါ
အသံသွင်းရန်အတွက် သင်ရွေးချယ်ထားသောစတူဒီယိုသည် သင်၏အသံသွင်းအလုပ်ကို အပြီးအစီးဆောင်ရွက်ရာတွင် ထိထိရောက်ရောက်ဆောင်ရွက်နိုင်ရမည်။ အသင့်တော်ဆုံးအခန်းကိုရှာဖွေရန် အခန်းတစ်ခန်းစီတွင် သင်၏ဇာတ်ညွှန်းကို ဖတ်ကြည့်ကာ သေချာနားဆင်ကြည့်ပါ။ ကျဥ်းမြောင်းသောအခန်းသည် ကျယ်လောင်စွာပဲ့တင်ထပ်နိုင်ပြီး အခန်းကျယ်သည်လည်း အဝေးမှအော်ပြောနေသကဲ့သို့ဖြစ်နေမည်ဖြစ်၍ နားလည်ရခက်မည်။
ထို့အပြင် ပြင်ပမှ မော်တော်ယာဥ်သံများ၊ လေယာဥ်ပျံတက်သံများနှင့် လေတိုက်သံများကြောင့် အသံသွင်းရာတွင် အနှောင့်အယှက်ဖြစ်နိုင်သည်။ ထို့ကြောင့် ပြင်ပဆူညံသံများကို အသံမသွင်းမိစေရန်အတွက် အခန်းကို အသံလုံနံရံအကာများ၊ အပူခံပြားများနှင့် ခန်းဆီးအကာများဖြင့် သေချာကာရံထားပါ။
မဖြစ်မနေထည့်သွင်းစဥ်းစားရမည့် နောက်တစ်ချက်သည် အခန်းတွင်းရှိ မျက်နှာပြင်နှင့် ခင်းထည်များဖြစ်သည်။ မျက်နှာပြင်အမာသားသုံးအခန်းတစ်ခန်းသည် အသံထွက်ရာတွင် နားထောင်ရပိုဆိုးသည်။ ထို့ကြောင့် ခင်းထည်အပျော့သားသည် ပိုမိုသင့်တော်သောရွေးချယ်မှုဖြစ်သည်။
၄။ အသံသရုပ်ဆောင်ကို သိသင့်သိထိုက်သောညွှန်ကြားချက်များ ပေးထားပါ
သင်၏ဇာတ်ညွှန်းကို စတင်မရွတ်ဖတ်မီ အသံသွငး်အလုပ်၏ညွှန်ကြားချက်များကို သတ်မှတ်ရန်နှင့် နောက်ခံစကားပြောသူများကိုလည်း ထိုကဲ့သို့ တစ်သွေမတိမ်းပြောပြထားရန်အရေးကြီးသည်။
စကားလုံးများနှင့် အတိုကောက်စကားလုံးများအတွက် အသံထွက်များပါဝင်သည့် အသံထွက်ညွှန်ကြားချက်ကိုလည်း ပေးထားပါ။
မည်ကဲ့သို့သော အသံမျိုးကိုရရှိလိုကြောင်းကို နမူနာဖြင့်ဖြစ်စေ အကြံအစည်ကိုဖြစ်စေ အသံသရုပ်ဆောင်ကိုပေးထားမှသာ အသံသရုပ်ဆောင်က ဇာတ်ကောင်နှင့်ကိုက်ညီမည့် သူ၏အသံကို အချိန်ကိုက်ပြောဆိုနိုင်မည်။
ဖိုင်အမျိုးအစား၊ ဇာတ်ညွှန်းကြာချိန်နှင့် နောက်ခံစကားပြောဗီဒီယို၏ အချိန်ကိုက်မှုတို့ကဲ့သို့သော အသံသွင်းအလုပ်၏ နည်းပညာပိုင်းဆိုင်ရာလိုအပ်ချက်များအကြောင်း ဆွေးနွေးပါ။
သင်၏ဇာတ်ညွှန်းကိုဖတ်စေလိုသည့်ပုံစံကို အသံသရုပ်ဆောင်ကို ကောင်းစွာညွှန်ကြားပြသထားပါ။
ထိုကဲ့သို့သော သတင်းအချက်အလက်များကို ကြိုတင်ပြောပြပေးထားပါက အချိန်ရော ငွေကြေးပါ အကုန်သက်သာမည့်အပြင် ထိုအသံသရုပ်ဆောင် သို့မဟုတ် ကုမ္ပဏီတို့နှင့် ပူပေါင်းလုပ်ခြင်းသည် နှစ်ဦးနှစ်ဖက်အကျိုးအမြတ်ရသောအလုပ်ဖြစ်မည်။
တခြားမှာမရှာပါနှင့်။ သင်၏ နောက်ခံအသံသွင်းခြင်းနှင့် အသံထပ်ခြင်းလိုအပ်ချက်များအားလုံးအတွက် အကောင်းဆုံး စီးပွားဖက် DUBnSUB ကိုသာ ရှာလိုက်ပါ။ ကျွန်တော်တို့ကုမ္ပဏီသည် အိန္ဒိယနိုင်ငံ၊ ဂူဂွန်မြို့တွင် ရုံးချုပ်စိုက်ပြီး ဂျာမနီနိုင်ငံ ဘာလင်မြို့၊ ပြင်သစ်နိုင်ငံ ပဲရစ်မြို့နှင့် အမေရိကန်ပြည်ထောင်စု ဘော်စတွန်မြို့တို့တွင် ရုံးခွဲများဖွင့်လှစ်ထားသော နောက်ခံစကားပြောအသံသွင်းကုမ္ပဏီဖြစ်ပါသည်။ ကျွန်တော်တို့ကုမ္ပဏီနှင့် ဖြန့်ကျက်ထားသော စီးပွားဖက်ကွန်ရက်တို့ ပိုင်ဆိုင်ထားသော အသံသွင်းစတူဒီယိုစုစုပေါင်း ၂၀၀ နှင့် မိခင်စကားသုံး နောက်ခံအသံသရုပ်ဆောင် အယောက် ၃၂၀၀ ကျော်တို့နှင့်အတူ ဘာသာစကားပေါင်း ၇၀ ကျော်အတွက် အရည်အသွေးမြင့်နောက်ခံအသံသွင်းခြင်းဝန်ဆောင်မှုများကို အများနှင့်တန်းတူဈေးနှုန်းဖြင့် ဆောင်ရွက်ပေးနေပါသည်။