အောင်မြင်သော နောက်ခံစကားပြောသရုပ်ဆောင်နှင့် ဘာသာပြန်အသံသွင်းသရုပ်ဆောင်တစ်ဦးဖြစ်လာရန် လိုအပ်သော အရည်အချင်းများ

ဗီဒီယိုများကြည့်ရှုနှုန်းမြင့်တက်လာသည်နှင့်အမျှ နောက်ခံစကားပြောသရုပ်ဆောင်နှင့် ဘာသာပြန်အသံသွင်းသရုပ်ဆောင်များကို သိသိသာသာလိုအပ်လာမည်ဖြစ်သည်။ ကြော်ငြာများမှစ၍ ဗီဒီယိုဂိမ်းများ၊ ကာတွန်းရုပ်ရှင်များအထိ အသံသရုပ်ဆောင်ခြင်းကို နေရာတိုင်းတွင်တွေ့ရသည်။ တစ်နေ့မှာ ဗီဒီယိုဂိမ်းအတွက် အသံသွင်းနေ၍ နောက်တစ်နေ့မှာ ကြော်ငြာနောက်ခံအသံသွင်းပြီး နောက်တစ်နေ့ကျ ကာတွန်းရုပ်ရှင်တစ်ကားအတွက် အသံသွင်းနေသည့် အသံသရုပ်ဆောင်မျိုးကို တွေ့ဖူးကောင်းတွေ့ဖူးမည်။

နောက်ခံစကားပြောခြင်းနှင့် အသံထပ်ခြင်းအလုပ်များသည် ဆွဲဆောင်မှုရှိသောအသံနှင့် ထူးထူးဆန်းဆန်းအသံများ ထွက်တတ်ခြင်းသာဖြစ်သည်ဟု မကြာခဏအထင်ခံရသည်။ သို့သော် ထိုမျှမကအားထုတ်ကြိုးပမ်းရသည်။

ထိုလုပ်ငန်းလောကတွင် သင်အလုပ်စတင်တင်လုပ်လိုပါက သင်တတ်မြောက်ထားရမည့် အရည်အချင်းတချို့ကို အောက်တွင်ဖော်ပြထားသည်။

၁။ အသံရှင်းလင်းပြတ်သားမှုနှင့် အသံအမျိုးမျိုးလုပ်တတ်ခြင်း
အောင်မြင်သော အသံသရုပ်ဆောင်တစ်ယောက်၏ အသံသည် ရှင်းလင်းပြတ်သား၍ အသံအမျိုးမျိုးလုပ်တတ်သည်။ ကုမ္ပဏီများသည် စကားလုံးတိုင်းကို ပီပီသသနှင့် ယုံကြည်ချက်ရှိရှိထွက်ဆိုနိုင်သော သရုပ်ဆောင်များကို အမြဲတစေရှာဖွေငှားရမ်းနေသည်။ အသံမပီသခြင်းသည် ကြည့်ရှုသူကို ပေးလိုသော ဆိုလိုရင်းနှင့် ကုန်ပစ္စည်းအမှတ်တံဆိပ်၏ နာမည်သတင်းကို ထိခိုက်နိုင်ပါသည်။

ထို့အပြင် အသံသွင်းယူခြင်းအမျိုးအမျိုးအတွက် အသံအရည်အသွေးမျိုးစုံလိုအပ်ပါသည်။ ထိုကြောင့် အသံသရုပ်ဆောင်တစ်ယောက်သည် ဗီဒီယိုဒါရိုက်တာထွက်စေလိုသည့် အသံအပေါ်မူတည်၍ အသံမျိုးစုံထွက်တတ်ရမည်ဖြစ်သည်။

၂။ သရုပ်ဆောင်စွမ်းရည်များ
၎င်းသည် နေက်ခံစကားပြောနှင့် ဘာသာပြန်အသံသွင်းသရုပ်ဆောင်တစ်ဦးအနေဖြင့် မဖြစ်မနေရှိရမည့် စွမ်းရည်များထဲမှ တစ်ခုဖြစ်သည်။ သူများနှင့်မတူ တစ်မူထူးခြား၍ ယုံကြည်မှုရှိသော အသံရှိရုံဖြင့် မလုံလောက်ပါ။ ကြည့်ရှုသူပရိသတ်များကို ပိုမိုဆွဲဆေင်လိုပါက ဇာတ်ညွှန်းပေါ်မှ စာများကို အသက်သွင်းနိုင်သည့် သရုပ်ဆောင်စွမ်းရည်တချို့ကို ပိုင်ဆိုင်ထားရမည်။ သင်၏အသံတစ်ခုတည်းဖြင့် စိတ်ခံစားချက်များကို ပေါ်လွင်အောင်ဖော်ပြနိုင်ရန် လိုအပ်ပြီး ထိုအချက်ကြောင့်သာ နောက်ခံစကားပြောအလုပ်သည် ခက်ခဲသည်။

သင်၏သရုပ်ဆောင်စွမ်းရည်အပေါ် ယုံကြည်ချက်မရှိပါက သရုပ်ဆောင်သင်တန်းကျောင်းတက်နိုင်သည် သို့မဟုတ် အိမ်တွင် မိသားစုဝင်များရှေ့တွင်ဖြစ်စေ မိတ်ဆွေများရှေ့တွင်ဖြစ်စေ လေ့ကျင့်နိုင်သည်။ သင်၏အရည်အချင်းများ ပိုမိုတိုးတက်လာစေရန် ဇာတ်ညွှန်းများနှင့် စာအုပ်များကို အသံအမျိုးမျိုး၊ ဝဲသံများနှင့် အသံနေအသံထားအမျိုးမျိုးတို့ဖြင့် အသံထွက်၍ ဖတ်ကြည့်နိုင်သည်။

၃။ နည်းပညာဗဟုသုတ
အသံသရုပ်ဆောင်တစ်ယောက်ဖြစ်လျှင် ထိုနယ်ပယ်သုံးအထောက်အကူပြုပစ္စည်းကိရိယာမျိုးစုံတို့ကို ကျွမ်းကျင်ပိုင်နိုင်စွာ ကိုင်တွယ်တတ်ရမည်။ သင်၏အသံကို ရှင်းလင်းပြတ်သားသွင်းယူရန် ကွန်ပျူတာ သို့မဟုတ် မိုဘိုင်းဖုန်းနှင့် အရည်အသွေးကောင်းသော မိုက်ခရိုဖုန်းတို့ကိုသာ လိုအပ်သည်။

သင်၏အသံသွင်းခြင်းကို သွင်းယူတည်းဖြတ်နိုင်ရန် လိုအပ်သော အက်ပ်များနှင့် ဆော့ဖ်ဝဲအားလုံးသည် အသင့်ရှိနေရမည်။ အထောက်အကူပြုပစ္စည်းကိရိယာများသည် မကြာခဏပြောင်းလဲတတ်သောကြောင့် ထိုနယ်ပယ်သုံး နောက်ဆုံးပေါ်နည်းပညာတိုးတက်မှုများကို သိရှိထားရမည်။

၄။ စာဖတ်ရာတွင် ပြေပြစ်ညက်ညောခြင်း
အသံသရုပ်ဆောင်တစ်ယောက်အဖြစ် အောင်မြင်ရန် အသံသရုပ်ဆောင်တစ်ယောက်သည် အသံကျယ်ကျယ်ဖြင့် ပြေပြေပြစ်ပြစ်ဖတ်တတ်ရမည်။ အသံသွင်းစာအုပ်များ၊ အချိန်ကြာမြင့်သည့် ဇာတ်ပြောခြင်း၊ အီလက်ထရောနစ်သင်ကြားရေးသင်ရိုးများနှင့် အစရှိသည်တို့အတွက် ထိုအရည်အချင်းသည် မရှိမဖြစ်လိုအပ်သည်။ အသံသရုပ်ဆောင်တစ်ယောက်သည် ကိုယ်ရွတ်ဖတ်နေသည့်စာသား၏ နောက်ကွယ်က ရည်ရွယ်ချက်ကို နားလည်ထားရမည်။ ထို့အပြင် အကြောင်းအရာကို သင့်တော်သော အသံနေအသံထား၊ နားလည်လွယ်သော အသံထွက်နှင့် အသံအနိမ့်အမြင့်တို့ဖြင့် ဖတ်ရမည်။

အသံသရုပ်ဆောင်က ကိုယ်ဖတ်နေသောစာသားထဲတွင် သက်ဝင်နေမှသာ နားဆင်သူများအတွက် သူပြောလိုသောအရာကို စိတ်ဝင်တစားနားထောင်နိုင်မည်ဖြစ်သည်။ သို့သော် ထိုကဲ့သို့သက်ဝင်နေစေရန် မည်သို့လုပ်ဆောင်ရမည်နည်း။ ထိုကဲ့သို့ နစ်ဝင်နေစေရန် လုပ်နိုင်သည့် နည်းလမ်းအမျိုးမျိုးရှိသည်။ ခံစားချက်တို့ သက်ဝင်နေစေရန် လက်ဟန်များထည့်ခြင်း၊ မျက်နှာအမူအရာများထည့်ပါ သို့မဟုတ် သင်၏အသံထဲရှိ ဇာတ်ကြောင်းကို နားလည်ရန် သင်၏ခန္ဓာကိုယ်ကို အသုံးပြုပါ။

အနှစ်ချုပ်
ယခုဆိုလျှင် နောက်ခံစကားပြောသရုပ်ဆောင်နှင့် ဘာသာပြန်အသံသွင်းသရုပ်ဆောင်တစ်ယောက်ဖြစ်လာစေရန် လိုအပ်သောအရည်အချင်းများကို သိရှိပြီးဖြစ်သောကြောင့် တတ်မြောက်သည်ထိလေ့ကျင့်ရန် အလှည့်ကျပါပြီ။ ပြီးလျှင် ထိုအရည်အချင်းများကို ပိုင်ဆိုင်သည့်အခါ သင်၏ဝန်ဆောင်မှုအတွက် အွန်လိုင်းမှာရော အပြင်မှာပါ ဈေးကွက်ရှာပါ။ သင်၏နောက်ခံစကားပြောနှင့် ဘာသာပြန်အသံသွင်းခြင်းအတွေ့အကြုံများကို ထည့်သွင်းထားသည့် ကိုယ်ရေးအကျဥ်းတစ်ခုရေးသား၍ သင်စိတ်ဝင်စားသည့် အရာအားလုံးအတွက် လူရွေးခံပါ။ နောက်ခံစကားပြောနှင့် ဘာသာပြန်အသံသွင်းခြင်းသည် အပြိုင်အဆိုင်များသော လောကဖြစ်ပြီး ထိုနယ်ပယ်တွင် ကိုယ်လုပ်ကိုင်နေသည်ကို ဝါသနာပါသော သရုပ်ဆောင်များက အောင်မြင်နိုင်ခြေပိုများသည်။

နောက်ခံစကားပြောသရုပ်ဆောင်/ ဘာသာပြန်အသံသွင်းသရုပ်ဆောင်တစ်ယောက်အဖြစ် ရေရှည်လုပ်ကိုင်ရန် ရည်ရွယ်ထားပါက DUBnSUB ကိုဆက်သွယ်ပါ။ ကျွန်တော်တို့ကုမ္ပဏီသည် အိန္ဒိယနိုင်ငံ၊ ဂါဂွန်မြို့တွင်အခြေစိုက်ပြီး မြန်မာ၊ပြင်သစ်၊ဂျာမနီနှင့်အမေရိကန်ပြည်ထောင်စုတို့တွင် ရုံးခွဲများဖွင့်လှစ်ထားသော အပြီးအစီးတာဝန်ယူဝန်ဆောင်မှုပေးသည့် အသံသွင်းထုတ်လုပ်ရေးကုမ္ပဏီတစ်ခုဖြစ်သည်။

ထို့အပြင် လိုအပ်ချက်/မေးမြန်းလိုသည်များရှိပါကကျေးဇူးပြု၍ [email protected] သို့ဆက်သွယ်လိုက်ပါ သို့မဟုတ် +91 124 498 2484 ခေါ်ဆိုလိုက်ပါ။ ကျွန်တော်တို့မှ ဝမ်းမြောက်ဝမ်းသာ ကူညီသွားမှာပါ။

Share via
Copy link